Woody Allen

Dr Woody Allen (bürgerlich syt 1952 Heywood Allen, * 1. Dezämber 1935 z Bronx, New York as Allan Stewart Koningsberg) isch en amerikanische Reschissöör, Broduzänt, Komiker, Autor, Schauspiler und Musiker. Nebe de über 50 Film als Dräibuechautor und Reschissöör het er zahlrychi Erzählige, Theaterstück und Kolumne gschribe. Drüber uus isch er passionierte Jazzmusiker.

Dr Allen isch eine vo de broduktivste Filmreschissöör vo üsere Zyt. Er isch 24mal fir dr Oscar nominiert worde und hed di Uszeichnig viermal bechoo: 1978 fir Dr Stadtneurotiker i de Kategoriie Beste Reschissöör und Bests Dräibuech, 1986 mit Hannah und iire Schwestere und 2012 mit Midnight in Paris jewils fir s beste Dräibuech. Dr Allen hed die Uszeichnige nie persönlich entgägegnoo.